//我食過嘅supplements 同褪黑素&超伏嘅綜合維他命//
.
下面講嘅supplement我全部都食哂或者最少食過一段時間，大家可以參考下，不過如果有特別健康問題，例如懷孕或者長期食緊其他藥，記得問咗醫生意見先食呀～
.
SWISSE Hair Skin Nails +
主要成份Biotin，顧名思義就係可以令到頭髮、皮膚同埋指甲更加健康。正常藥丸大小，有少少味，但可以接受，唔難吞。Keep住食指甲同頭髮會長得比較快，但係對皮膚就冇咩特別效果。我應該唔會回購，因為覺得以前食過嘅Nature’s Bounty 指甲糖更加有效果。
.
SWISSE Women's Ultimate Multivitamin
超大粒，佢係正常藥丸嘅一倍半至兩倍大，其實大粒都唔係問題，問題係佢超臭，有浸好難形容嘅味，認真食落會有少少反胃，浸味仲會殘留一陣🤢雖然我吞藥唔算特別叻但係都唔算垃圾，呢款我真係食唔到，勉強食咗一個月就掉咗，無咩特別效果。
.
ADRIEN GAGNON Melatonin 3mg
膠囊款，第一次食melatonin就係食呢款，通常食完半個鐘至一個鐘就會有眼訓嘅感覺，之後全晚都會訓得好淋，中間完全唔會醒。但係第二日起身會好難醒，感覺好迷迷糊糊昏昏沉沉咁，所以我就再轉咗食下一款軟糖。
.
NATURE's BOUNTY Sleep Gummies 3mg
買呢款軟糖係因為佢per serving size係兩粒，食哂兩粒先係3mg，食一粒就係1.5mg，本身理想中係食一粒1.5mg 訓得着之餘，第二日又易啲醒，但係現實係食1.5mg我都係訓唔到😂最後食返兩粒先會眼訓，第二日都係會有迷迷糊糊嘅感覺。已經食完，應該都會回購看門口，但盡量都唔想依賴。
.
NATURE's BOUNTY Women's Multivitamin Gummies
當糖食嘅綜合維他命，食落好甜好甜，不過點都好過吞Swisse個粒巨型丸，輕鬆empty。不過同Swisse一樣，食落都係無咩明顯效果，純粹覺得安樂啲，會回購。
Search